ზურაბ მამულაშვილი - ცოლი მინდოდა მეთხოვა

ცოლი მინდოდა მეთხოვა,

მოდას ნაკლებად ამყოლი,

შვილების მოსიყვარულე,

მეუღლის ამყოლ-დამყოლი:

პაპიროს მოუწეველი,

შამპანურ დაულეველი,

უშარვლო, შეუღებავი,

არც ისე შეუხედავი;

არ შეერცხვინა ქართული,

მამა-პაპური მანდილი,

აყალ-მაყალის გარეშე

ემზადა ვახშამ-სადილი...

- მასეთ ქალს დღეს ვერ იშოვი,

რა ცუდი ბედი გრგებია,

მასეთი, შვილო, მე ვარო -

მითხრა მეზობლის ბებიამ.