უსათუოდ იპოვის, ვინც მეგობარს ეძებს! კაცი, ჩიტი, ხე, ცხოველი, უმეგობროდ ვერ ძლებს! მაგიდა რომ მაგიდაა, ვინ იპოვა? - სკამი! ზღვასაც მეგობრები უყვარს - დელფინი და ქარი!
აი, მიწის მეგობარი - ბაღი, სახლი, ყანა! აი, ღრუბლის მეგობარი - მზე, ვარსკვლავი, მთვარე, ძილის მეგობარი არის - ვინც მილულავს თვალებს!
მულტფილმების მეგობრი ? ჰო, დისნეილენდი! ესეც ჩანთის მეგობარი - რვეული და წიგნი, ეს ჯამბაზის მეგობარი - სიცილი და ცირკი!
მუზეუმის მეგობარი? - ჩონჩხი დინოზავრის! აი, პურის მეგობარი - კარაქი და თაფლი, შემოდგომის მეგობარი? - ყურძენი და წაბლი!
საჩუქარის მეგობარი - მოხატული ყუთი. სათამაშოს მეგობარი - ყველა ბავშვი ერთად, ბალახები მეგობრობენ სოკოსთან და ტყესთან.
ხეები და მთები, და ამ ლექსს რომ ბოლო არ აქვს, მგონი უკვე ვხვდებით.
დაგიტოვებთ მე ამ ლექსში თავისუფალ ადგილს. გადაავლეთ თვალი ირგვლივ ყველაფერს და იტყვით, უმეგობროდ არაფერი "რსებობს“, ერთი სიტყვით! |
პოეზიის გვერდი • • • • • • მარიამ წიკლაურის პოეზია |