ალექსანდრე ბლოკი - შორსაა ლაჟვარდი მშვენება...

ვიდოდით ლაჟვარდი დარებით,

დაგკარგე დიდი ხნის წინათ....

უეცრად გრიგალის ზარები

მოაწყდნენ დაგმანულ მინას.

გაცოცხლდა წარსული მშვენება,

ბურანში შენმიერ შვენის,

გიხილე ნისლიან ჩვენებად,

ჩურჩულიც მომესმა შენი.

ქარს მიაქვს ოხვრა და გოდება,

ცრემლია.... წვიმაა... ქარი....

ერთად ვართ ხელახლა, ვიდრემდე

ბედითი დარეკდეს ზარი...

შორსაა ლაჟვარდი მშვენება.

წყვდიადში დანთქმულა არე,

წყვდიადში ხილული ჩვენება

გადაჰყვა ღამეულ ქარებს.