მამუკა წიკლაური - მთიბლური სიმღერა

მოვიდნენ მთიბლები, გალესეს ცელები

და ყვავილოვან ველს მიადგნენ მკვლელები.

ცისფერ კესანეებს აბა, რა იხსნიდათ

და ჩამოიცალნენ ცისფერი სისხლისგან.

წითელმა ყაყაჩომ ფხა ვერ აისხლიტა,

მინდორში ჩაგუბდა წითელი სისხლის ტბა.

და თეთრი გვირილა - თეთრ მკერდს რომ იხსნიდა,

უცებ დაიცალა უთეთრეს სისხლისგან.

ტიროდნენ მინდვრები, მღეროდნენ მკვლელები,

მღერით გაიარეს სათიბი ველები.

სისხლის სუნს ვერ გრძნობდნენ პრიალა ცელები

და მთიბლურს მღერდონენ ლამაზი მკვლელები.