ფეხმძიმობა
|
არ შეგეშინდეს! ვთქვათ და დღეს მოვკვდით, ხომ მაინც ასე იქროლებენ ანცი ქარები, ხომ მაინც ასე ითრთოლებენ ქარში თელები! მზეც მარადიულ სიყვარულით მოეფინება მთებს და მწვერვალებს. კვლავაც იელვებს წითელ-ყვითლად ლამაზი ევა, კვლალ მინდორ-მინდორ გაფრინდება ბექას საღარი და სიყვარულის დროშასავით აფრიალდება ძველი სიმღერა:"მე შენ მიყვარხარ!" არ შეგეშინდეს! არ შეგეშინდეს! კვლავ მოედება დედამიწას ჟრუანტელივით ტელეხმები და რადიოხმები: - გრძელდება ფრენა მთვარის ჩრდილო - დასავლეთისკენ, ხვალ, ცხრა საათზე გაფრინდება დილის რეისი... არ შეგეშინდეს! მერე რა, თუ აღარ ვიქნებით! ხომ იყო დრო, რომ სხვა იყო და ჩვენ არ ვიყავით - და მაინც ასე დაფრინავდნენ მოლაღურები და წითელ კაბას იქარგავდა ლამაზი ევა. |
