არტურ რემბო - ფავნის თავი

ფოთლების ტევრის ზარდახშა მწვანე,

აყვავებული ოქროსფრად, მქრქალი,

სად თვლემს ამბორი, ისე მგზნებარე,

თვით გარდაიხსნა უმალ მაქმანი.

დამფრთხალი ფავნი თვალებს აცეცებს,

წითელ ყვავილებს თეთრი კბილებით

წყვეტს, ღვინისფერი დაჰკრავს სახეზე,

ტუჩებს აელვებს გაღიმილებით.

ტოტიდან ტოტზე ციყვივით დახტის,

სიცილ-ხარხარით ფოთლებს ათრთოლებს,

ჩიტმა შეაკრთო და დარჩა სახტად

ტყის ოქროსფერი, მწველი ამბორი.