აკაკი წერეთელი - სიმართლე

ფუ! იმ მოედანს, სადაცა 

ვირები ბედაურობენ! 

შაბაშ, იმ ერსა, რომელსაც 

უღირსნი მეთაურობენ!!

და ვაი იმ დროს, როდესაც

ვეღარ სჭრის ჭკუა-გონება,

და ყოველგვარი ღირსება,

ვერცხლითა აიწონება!!

როდესაც მონას უფალი

ზიზღითა თავზე აფურთხებს!..

მონა კი სამაგიეროდ

ფეხებს ულოკავს!.. აკურთხებს.

მაშინ აღარ ღირს სიცოცხლე,

სიკვდილი სანატრელია!..

მაგრამ უძებრად შურისა

ვაი, რომ ისიც ძნელია.