მირზა გელოვანი - ეს გული სევდამ დააცარიელა...

ეს გული სევდამ დააცარიელა

თვალმა კი გრძნობას უპასუხა,

არ ვიტყვი, მიყვარდე მე სხვაზე ძალიან,

იქნება იმასაც უყვარხარ...

მაგრამ თუ შემოგხვდი შემთხვევით,

უგულო სახეს ნუ მიიღებ,

მე თუ შენს ხატებას ვემთხვევი,

რისხვას რატომ მესვრი ტყვიისებრ?

რა ვუყოთ, არა ვარ ეგებ მიმზიდველი,

მაგრამ ხომ გაღმერთეს ფიქრებმა,

თუ დარჩა ეს ლექსი და ჩემი სახელი,

შენიც იქ იქნება.