მანანა ფრუიძე - შენ

ჩემი სიცოცხლის სიცოცხლეო, დახუჭე თვალი,

ეს მე ვარ, შენში შემოსული ფარული ვნება,

გარდასახვაში მიმალული მეძავი ქალი

და ხერხემალზე აყოლილი მალების წყებას,

ჟრუანტელს აწვდის ხორკლიანი ენის სისველე,

ავხორცულ ვნებებს იოკებენ ნებები თითთა,

შენს კაცურ მკერდზე გაყუჩების წამი ისვენებს

და გახელება, მოწოლილი სურვილის პირთან,

თავდავიწყებას შემოგახვევს ბაგეთა კვალით,

დაგიცლის სხეულს, სიამისგან დაგნისლავს როგორ,

ჩემი სიცოცხლის სიცოცხლეო, დახუჭე თვალი,

ეს მე ვარ, შენში შემოსული მაცდური გოგო.