მანანა ფრუიძე - ცხოვრების სცენა...

კონტრასტი მკვეთრი - შავი და თეთრი,

ნიღაბი ერთი-ღიმილი, ცრემლი,

შიგნით, სიღრმეში - რწმენა და ღმერთი,

გარეთ, ქუჩაში - გარყვნილი მრევლი.

უდარდელობად ჩათვლილი დარდი,

ცივი მუყაოს ორმაგი სახე,

ცხოვრების სცენა სიყალბის ფარდით

და ორგიების მაცდური მახით.

კულისებს შავი დასდევს ხავერდი,

გაღმა პარტერი მჭლე ფერდებს ივსებს,

და გულუბრყვილო სისადავეთი

ოცდამეერთედ გავდივართ ბისზე.