ვახტანგ ჯავახაძე - მაესტრო

დაივიწყა ტაშები და ბისები და ლაიქი და

გაგვებუტა დირიჟორი და დარბაზი დაიკიდა.

დაივიწყა იგავი და სულხანი და ეზოპე და

პატივს არ სცემს უმოწყალო კანონს უმრავლესობათა.

მაესტროო, ნუ გაგვრიყავ განშორების გისოსებთან:

ერთხელ მაინც მოიხედე, ღმერთი დედას გიცოცხლებსა,

თორემ მოვა განჩინება დიდი დემიურგისაგან

და გიბრძანებს ერთადერთი - ერთეულო, ზურგისა-კენ!