ვახტანგ ჯავახაძე - ყველას თითო რჩეული ყავს

ყველას თითო რჩეული ყავს,

ვის - მეფე და ვის - პაიკი,

მე კი ერთნაირად მიყვარს,

რაკი მიყვარს, - ის და იგი.

ვინ დამბადა, ვინც გამზარდა,

ავღიღინდი მისი ნებით,

სულ სხვა ხმაზე ჭიკჭიკებენ

ისინი და ისინები.

რიგი ფერით განირჩევა,

რიგი - სისხლით, რიგი - ვენით,

ძველ ადგილებს იკავებენ

იგივე და იგივენი.

ხან ვტირი და ხან ვიცინი,

და ხან ჩუმად ვიგინები:

კვლავ სცენაზე გამოდიან

იგინივე იგინები.