მანანა ფრუიძე - მურისციხემდე მომყვა მდევარი...

მურისციხემდე მომყვა მდევარი,

კლდეს ცხენისწყალი ტალღებს ახლიდა,

მე-თავნება და დაუდევარი,

ვიპარებოდი მამის სახლიდან.

ცა არეული იყო მარტივით,

მე - არეული შენი ალერსით

და ყველაფერი ჩანდა მარტივად...

და მივყვებოდი ბილიკს ალესილს

- ბილიკს ცხოვრების... მდევდა მდევარი,

სიპს ცხენისწყალი თავ-პირს ახლიდა,

მე-თავნება და დაუდევარი,

ვიპარებოდი მამის სახლიდან...