მანანა ფრუიძე - დრო იყო...

დრო იყო, როცა თაყვანს სცემდნენ კერპებს მავანნი

და ამაზრზენი იყო ჩემთვის ეს მორჩილება,

იღებებოდა მეწამულად ზეცის თავანი

და სამსხვერპლოსთან ირეოდნენ ბაცი ჩრდილები.

დრო იყო... მერე წაიშალა ყველა ბილიკი,

შეახმა სისხლი ჟანგიანი ცულის საპირეს,

ვერ გაპატიე სიყვარულის ჩემის ქილიკი

და გრძნობებიდან მოშორებით გაგანაპირე.

დრო იყო, როცა თაყვანს სცემდნენ კერპებს მავანნი...