ირაკლი კოსტავა - თუ არ გამოვა...

თუ არ გამოვა

გასაკვირი არაფერია.

ჩემი ჩემია, მეგობარო,

შენი შენია.

მაგრამ ეს ჩემი თუ ოდესმე

შენი გახდება,

მაინც მომძებნის,

მაინც სადმე გზაზე დამხვდება.

და რომც მინდოდეს გვერდის ავლა,

არსად გამიშვებს,

სადღაც წამიყვანს,

გაიხარებს, ცაში ამიშვებს.

ხელებს გამიხსნის, გაიხარებს

ცაში ამიშვებს.

ხელებს გამიხსნის, ავფრინდები,

ქვაში გამოვთლი საკუთარ სახეს,

მთელს დედამიწას მოვეფინები

და საუკუნეს დავარქმევ სახელს.