ვახტანგ ჯავახაძე - ხანდახან ასეც ხდება...

ხანდახან ასეც ხდება:

ზონდივით გადაგაყლაპებენ თანაგრძნობას

და შიგნით ფარულ

წყლულებსა და სისხლდენას გიძებნიან...

ეს ზონდი დღემდე ისე ვერ გადავყლაპე,

გული არ ამრეოდა...

ხომ არსებობს უკვე უფრო დახვეწილი მეთოდებიც,

როცა გარედან შემოგხედავენ

და ამით უმალ ხვდებიან,

შიგნით სად რა გტკივა...

ნუ ღელავ, მეგობარო,

ბედნიერების ჰორმონს

ტანჯვით,

მაგრამ მაინც გამოვიმუშავებ...