1
რული მოგივა ქალაო დაგეძინება მკლავზედა, მძინარეს დაგესიზმრება ვითომ, შენ ზიხარ ჯარზედა,
ამოქარგული მკლავზედა, გვერდს მეფე გიზის ლამაზი მზე დასდგომია მხარზედა.
დაგტრიალებენ თავზედა, გაგეღვიძება უეცრად აე მაგ სანახავზედა -
ამ ბეჩავ ქვეყანაზედა.
2
რული მოგივა ქალაო დაგეძინება მკლავზედა, ქმარი გაიგებს თოფს დაგკრავს, რაკი გასცვალე სხვაზედა,
ბრალს დაგდებს ქვეყანაზედა, ერთ კვირას არ გიგლოვებენ იქნებ არც მოვლენ მკვდარზედა,
ცივი სამარის ქვაზედა.
3
რული მოგივა ქალაო დაგეძინება მკლავზედა, მოგივლენ ამბისმტყობარნი საშინელ ზარის ხმაზედა,
აქ ასვენია კარზედა, ლამის რო ჭკვიდან გადასცდე ისე იგლოვებ ქმარზედა,
შეწუხებული ძალზედა, რას ხედავ, ქმარია ხელით ცრემლს გიშრობს თვალზედა.
გამრავლდით ქვეყანაზედა. |
პოეზიის გვერდი • • • • • • გოდერძი ჩოხელის პოეზია |