ტარიელ ჭანტურია - ერთი. ორი. სამი. ოთხი...

ერთი. ორი. სამი. ოთხი. ორი. სამი. ოთხი. ხუთი;

ერთი თინა. ხუთი ნანა. ათი ვერა. ოცი ლუბა.

ოცი წელი. ათი კვირა. შვიდი წამი. ორი წუთი.

ცხრა სიზმარი. რვა სიზმარი. რვა მეცხრედი უძილობა.

ტყემლისწვენი - ექვსი ქილა. ფორთოხალი - სამი ყუთი.

რვა მუთაქა. შვიდი ტახტი. ცხრა ბალიში. ოცი ლეიბი.

ოთხი კაშნე. ორი ტუფლი. ერთი პალტო. ასცხრა ქუდი.

ხუთი. ოთხი. სამი. ორი. უძილობა. უძილობა.

ხვალ - უთუოდ. ზეგ - ვერ გეტყვი. მაზეგ? - მაზეგ უცილობლად...

სამი - მწვანე. სამი - ლურჯი. ორი - კარგი. ორი - ცუდი.

ცხრა მერვედი უძილობა. ოთხი მთელი უძილობა.

გორის ვაშლი - ვაშლის გორა: ტონა. კილო. გრამი. ფუთი.