მთავრდება ქვეყნად შენი ყოფნის დრო რა დაგრჩა, წლები, თითზე სათვლელი, ლეთის ტალღებმა ფონზე მოგისწრო, ჰა, ბოლო ფიცრის მოჩანს გამთლელი.
და გახრჩობს კითხვა, როგორც საბელი, იტყვი, ვინ იყავ სააქაოში, იყავ კაენი? იყავ აბელი?
გზად ჩამორჩენილს აღარ დაუცდის, რომელი იყავ - მეფისტოფელი? თუ დაწყევლილი სიბრძნით, ფაუსტი?
დაძლევ, ვერ გაგტეხს მძიმე ურვანი, გტკიოდა ბედი აბესალომის, თუ სივერაგე გწამდა მურმანის?
უნდა სუყველას მისი მიაგო, იყავ ეჭვებით სავსე ოტელი, თუ ცხვირახოცით ხელში, იაგო?
ღვინის მაგიერ შხამი დალიე, იყავი თუნდაც წამით მოცარტი? თუ სამუდამოდ ეძმე სალიერს?
გიწევს ღამეთა თეთრად თენება, ალბათ, არასდროს იტყვი სიმართლეს, რომელად ყოფნა ქვეყნად გენება. |