სერგეი ესენინი - ო, ზანზალაკო ვერცხლისხმიანო...

ო, ზანზალაკო ვერცხლისხმიანო,

მღერი თუ სიზმარს ტყვედ ვყავარ ჯერაც,

ვარდისფერ ხატის სხივი გვიანი

ჩემს წამწამებზე ოქროსფრად ელავს.

მერე რა, ყოფნა ნაზ ყრმად არ ძალმიძს,

ვერც მტრედის ფრთების შრიალში ვილტვი,

სიზმარი ჩემი მოკლედ და კრძალვით

არამქვეყნიურს იხსენებს ტყისპირს...

არ მსურს საფლავი იქცეს ღიობად,

არც საიდუმლოს სიტყვას ვაქსოვდე,

მასწავლე, როგორ დავიძინო და

არ გავიღვიძო აღარასოდეს!