თეიმურაზ ლანჩავა - უნდა შეიძლო...

უნდა შეიძლო იმედს ისხამდე, 

სიბნელეს მზერით შუქი მოჰფინო, 

უნდა შეიძლო ღმერთთან მისვლამდე 

არავინ დაგრჩეს უკმაყოფილო.

შენ თავთან უნდა იყო მართალი,

გზა გაუწალდო მტერს და მოკეთეს 

და იხსენებდე, რომ არსაკიძეს

მკლავი რატომ და რისთვის მოკვეთეს.

შეიძლო ბედში დროის ძიება, 

განსაცვიფრებლად იყო დამთბარი, 

იგრძნობ რა მშვიდად დაგეძინება,

გაზაფხულდება შენი ზამთარი.