ჯემალ აჯიაშვილი - ქვეცნობიერის მღვრიე ფიქრო...

ქვეცნობიერის მღვრიე ფიქრო, ფიქრო ასკეცო,

სისხლის ჩქერი ხარ - მოშვებული და უონკანო,

თითქოს სულ ცდილობ, იკისკასო, იველასკესო

და შენი ფერი იდუმალი სევდით მორკალო.

გითქვამს - ბოსხი და ბოტიჩელი ერთად დასხესო,

შენ "ორგანოც" თქვი, ფანტაზიავ შეუბორკავო,

მაგრამ, როგორც ჩანს, იგულისხმე - არა სასქესო,

არამედ ჩვენი საყვარელი ბეჭდვის ორგანო.

ვინა თქვა ფიქრის კარანტინი, ფიქრის ემბარგო, -

ბორდელის კუროვ, - ბუზმენტებო და ბაკენბარდო;

ფრთხილად, - ეტყობა, ავხორცობა იწყებს იერიშს

და სისხლის დუღილს აფიქსირებს სხვა სიმაღლიდან, -

სულ ამოხაპა სიღრმეები ქვეცნობიერის

და ცნობიერის კლიშეებში მაგრად ჩაკლიტა...