ნიზამი განჯელი - კარგია მოგზაურობა...

კარგია მოგზაურობა,

მით უფრო უცხო მხარეში,

შორეულ გზებზე ყიალი,

შორეულ გზებზე თარეში.

მოივლი ცას და ქვეყანას,

რას არ ნახავ და გაიგებ,

სად არ გაათევ ღამეებს

და ნაბადს სად არ დაიგებ.

გაიგებ, სად რა აცვიათ

ვის რა ადათი ჰქონია,

მრავლის მნახველი იქნები

და ეს კარგია მგონია.

მაგრამ თუ ჩაუკვირდები,

სიმართლე გამოვლინდება:

მხოლოდ მამულში ეწევა

კაცი გვირგვინს და დიდებას

შენს სამშობლოში იცხოვრო

ჭირსა თუ სიმწუხარეში,

გერჩიოს, ვიდრე განცხრომით

მეფობდე უცხო მხარეში.