ფეროხი - სამად-სამ კოცნას...

- სამად-სამ კოცნას

გთხოვ და ამაზე

უარს ნუ მეტყვი, ტურფა ჰურიავ!

- ჰურიის კოცნა

ამქვეყნად ვინ თქვა!

იცი, ჰურია სადაურია?

- კი ვიცი, მაგრამ

კოცნისთვის კაცის

იმ ქვეყნად წასვლაც ჯერ არვის უთქვამს.

- ოლოლო შენა.

მე სამოთხე ვარ

სამოთხე გინდა და ისიც მუქთად?

- სულ რომ გამირბი

რატომ გამირბი?

რაც გდიე, ტანჯვად კმარა ფერიავ!

- ფერია კაცი

მოდგმას გაურბის.

აქ უცნაური არაფერია.

- ეს მაინც მითხარ,

თვისება რა გაქვს,

რა ნიშნით გიცნო თვალი თუ გკიდე?

- მე მზე ვარ, მზეს კი

ამ ქვეყანაზე

რამე ნიშანი სჭირდება კიდევ?!

- ჰე, გულის სწორო

შენი წერწეტა

ტანის ყურებამ გამღუნა წელში.

- მე ისარივით

სწორი ვარ, ისრის

გულის სწორი კი მშვილდია წესით.