შალვა მჭედლიშვილი - სიკვდილი არ არსებობს

ვთქვათ სადღეგრძელო ცისა პირველად, 

ვინც შუქი მოგვცა გზადა და ხიდად...

ვინც მოგვავლინა მზის სახილველად, 

წყვდიადით მოსილ არყოფნის მხრიდან!

თუნდ ერთი წამით იხილო ეს მზე,

რომელმაც სულში სხივი მოგვფინა

და სიყვარულის პოვნა ვერ შესძელ, 

სიცოცხლის ღირსი არა ჰყოფილხარ!

მოყვასნო ჩემნო, უძვირფასესნო, 

მჯეროდა წინათ და მჯერა ეხლაც 

სიკვდილი მხოლოდ მისთვის არსებობს 

უსიყვარულოდ ვინც ცოცხლობს ქვეყნად!