რაფიელ ერისთავი - პურის მოსავალი

ბიჭო, პური შემოსულა, 

ღელავს, ბზინავს ოქროს ფერად! 

უფლის თვალი შიგ ტრიალებს, 

მოდით, ნახეთ თუ არ გჯერათ!..

შიგ ნუ ჩავწვამთ, ცოდვა არის, 

ნუ გავხდებით ჩვენ ღვთის მტერად

ნამგალს პირი გავულესოთ, 

გადავიქცეთ მთლად სიმღერად.

მოიმკო და გაილეწა... 

დაილოცა შენი ხვავი!

მარცვალი ჰგავს შინდის კურკას, 

სათესლე და დასაფქვავი.

ყველას ეყვის: ჯარს, ჯამაათს, 

ეკურთხება მკვდარს საფლავი, 

ჯალაბობაც გამოძღება, 

არ მოგიკვდეს ჩემი თავი...