სოსო ნადირაძე - აზდაკი და თემიდა

რომ გადაფაროს ჟამი ღალატის...

რომ შეუშვიროს მკერდი სიცივეს,

დღე მაღალ მთებში მზის მუზარადით

დონ-კიხოტივით გამოიღვიძებს...

ნარიყალიდან თავს რომ გვევლება,

მართლა ციხეა, მართლა მეხია,

თუ დონკიხოტის გასამხნევებლად

დევზე შემდგარა ნაცარქექია?!

კვლავ სანჩო პანსას მაკრთობს ასაკი,

ისევ ბრეხტს ვირჩევ ძველი თემიდან,

საქართველოში მოკლეს აზდაკი

და მწარე ცრემლით ტირის თემიდა...

დიდო მსაჯულო, ღმერთი გფარავდეს,

დედამიწაა - შენი წრეწირი,

"დრო ხან მეფეა" და ხან ჯალათი,

და მედროვეა მისი ვეზირი,

რომ გადაფაროს ჟამი ღალატის...

რომ შეუშვიროს მკერდი სიცივეს,

დღე მაღალ მთებში მზის მუზარადით

დონ-კიხოტივით გამოიღვიძებს...