მანანა ჩიტიშვილი - მანძილი შენამდე

ჩემს გზაზე, ვარდს რომ უნდა ეხარა,

შემომასიეს შავი ჭილყვავი,

წინ გადამიდგა მთელი ქვეყანა,

შენამდე რომ არ მოვსულიყავი.

ვერ დაგემდურე წრფელს და სახიერს,

შორი მზერაც კი რომ არ შემახე,

ჭორების ისეთ ცეცხლში გამხვიეს,

რომ ვერასოდეს ვერ დაგენახე.

დღეს მხოლოდ სევდით და დანანებით

ვიხსენებ წარსულს ნაწილ-ნაწილად,

ან იღბალს ასე როგორ დავნებდი,

ან ბედმა ასე როგორ გამწირა.

რომ გზად, სად ვარდებს უნდა ეხარა,

შემომასიეს შავი ჭილყვავი,

წინ გადამიდგა მთელი ქვეყანა,

შენამდე რომ არ მოვსულიყავი.