ალექსანდრე ბლოკი - რა გაგვაჩნია წამების გარდა?!

რა გაგვაჩნია წამების გარდა?!

მიდის ცხოვრება, მიედინება 

გახსოვდეს მუდამ, საფლავის კართან, 

ჩვენი შეხვედრა ღმერთმა ინება.

მწამს, საუკუნეს, მომღერალს ახლის, 

ახალ თაობის შუქი ჰფენია, 

განა ტყუილად ადიდებს ხალხი, 

შეურაცხყოფილ, კეთილ გენიას.

ყველა, მასავით შეგინებული,

კლავს დამცირების სუსხსა და ყინვას

და ზეცას, შავი ღრუბლით შებურვილს,

შეაკრთობს ომის მახვილის ბრწყინვა.

ის დღე შორია, მან უნდა იხსნას,

ჩვენი აღთქმა და ფიცი მომხრეთა

შეურაცხყოფა ამძფრებს რისხვას 

და მძვინვარებას მეამბოხეთა.

ვისთვის ცხოვრება არის ბადალი 

ძველი თამაშის, მზიან ამინდის,

პოეტის სულში ცოცხლობს ქადილი

ისე ვით შავი თვალმარგალიტი.

მას ახლა სძინავს ჯადოსნურ ხმაში

და სიღრმეებში ინახავს ციაგს,

გამოანათებს, როდესაც მთაში 

გამოაღვიძებს წერაქვი წიაღს.