ალექსანდრე ბლოკი - შენი სახელი ვიცი, მაცდური...

შენი სახელი ვიცი, მაცდური,

შენი ხავერდი, ბაგე მდუმარი,

მაგრამ შენს მიღმა ზოგჯერ დაცურავს

რაღაც უცნობი და იდუმალი.

და მრისხანებას თითქოს ვეჩვევი,

როცა სიბრაზე სახეს შენისლავს,

მწვავს და მაწამებს შავი ეჭვები,

ჩემთვის უცნობი შენი ქვეყნისა.

მზად ვარ ტანჯვისთვის, ვერ შეგელევი,

ვიხსენებ ქარბუქს და ვირინდები,

მე მახსოვს შენი სუსტი ხელები

და მოჩურჩულე მარგალიტები.