ფირდოუსი - არა, ხე თუ ის მწარე არის...

არა, ხე თუ ის მწარე არის თავისი ძირით,

თუნდაც ედემის ბაღში დარგო, გასწიო ჭირი,

თუნდ უკვდავების წყაროთი რწყა, ოფლი აქციო,

მაინც ვერ შეძლებ კეთილ ნერგად გადააქციო.

ავ კაცისაგან ავის გარდა გამოვა რამე?

როგორ იქნება მზის სინათლე მოსთხოვო ღამეს;

ავთან იყავი მუდამ ფრთხილად და მუდამ შიშით,

არ გათეთრდება ყვავი, თუნდაც გახეხო ქვიშით...

და კეთილ თვალით რომ გასინჯო ცბიერი მტერი,

ამას გერჩიოს შიგ თვალებში იყარო მტვერი.