მიხეილ თუმანიშვილი - თუ გსურს გადარჩე

რაც გიყვარდეს და რაც არის წმინდა

მას შეეწირე, თუ გსურს გადარჩე!

ცოდვის აკვანი დავტოვო მინდა,

სული ვარსკვლავთა ნისლებს გადავცე...

თვით ვერ დაანგრევ სიცოცხლის ჯებირს

ეული მოწმე ფერისცვალების,

ტყვე ვარ, სამშობლო ციხეა ჩემი,

ზენამ დახურა ჩემთვის კარები

კმარა! მსოფლიოს კადრებს ფარდები,

მგლოვიარებას ჯვრისას უყურეთ,

მიწას ვარდებად დავებარდები,

რომ გაზაფხული ამცნოს უკუნეთს.