შალვა ამირეჯიბი - მიბაძვა

მთელი სიცოცხლე მათ იარეს ცალ-ცალკე, კენტად

და ერთმანეთთან მისვლასაც კი ვერა ბედავდნენ,

მაგრამ ოცნებით ხშირად იყვენ ისინი ერთად,

მოჩვენებებში ერთმანეთსა ხშირად ხედავდნენ!

ისინი გაჰქრენ, ვით ქრებიან ცაზე ვარსკვლავნი,

სიკვდილის ჟამსა მედიდურნი ბედს არა ჰგმობდნენ! 

სასაფლაოზეც ერთად მოხვდნენ მათი საფლავნი

და ერთმანეთის სიახლოვეს კი ვერა გრძნობდნენ!