ფეხმძიმობა
|
ბარიკადებზე! დაიწყო ბრძოლა! ცეცხლად და ალხად საყოველთაო გაფიცვათ ზოლი მოვარდა ტალღათ. მასსიურია გზებზე ომები სისხლით, ცხედრებით, გააფთრებითა და მონდომებით და ამხედრებით. ის, რაც სამუდმო ხსოვნად დარჩება, ცეცხლის ხაზია, დღესასწაულობს კვლავ გამარჯვებას ბურჟუაზია.
იწყებს მხილებას, იგი აყენებს მთელ რიგ მქუხარე მოთხოვნილებას. მრავალი მუშა წითელი დროშით ქუხს ენამჭევრი, მრავალი მიყავთ საპატიმროში, დახოცეს ბევრი.
მიდის, გრძელდება, უფრო მრავალზე მრავალი რიცხვი ამეტყველდება. ბომბეაში კი აამუშავეს მექარხნეებმა თვით მანქანები: გაჩნდენ მუშები, დაიწყეს შებმა მათ დაქადნებით. მანქანებისა შესძრეს რიგები, გულს მიაყურეს, შეაწყვეტინეს და ფაბრიკები ისევ დახურეს.
გაფიცულების დიდი მიტინგი, მეასე დღეა? ქარხნის პატრონთა მწუხარე დინგი მათთვის საფრთხეა. მიტინგმა თმენის ჯაჭვი გასწყვიტა, ჰქუხს კლასის გრძნობა, ისევე ბრძოლა მან გადასწყვიტა, და არ დათმობა. |
პოეზიის გვერდი • • •  • • • გალაკტიონ ტაბიძის პოეზია |
