სიკო ფაშალიშვილი - მაშ, გამარჯობა, ტკბილო სიცოცხლევ!

მაშ, გამარჯობა, ტკბილო სიცოცხლევ,

იყავი ჩემთან შენ განუყრელი, -

სანამ საკუთარ თვალით არ ვნახოთ

ჩვენ ძმობის დროშა ძირს დაუხრელი.

სანამ ჩვენს შვილებს, ჩვენს შვილიშვილებს

ჩვენ არ გადავცეთ ღირსსახსოვარი

სიმღერა მასზე, რომ გოლგოთაზე

უკვე დაემხო წამების ჯვარი!

მაშინ თუნდ დამთმო, აღარ ვინაღვლი,

თუ მოვიხადე კაცური ვალი,-

მაშ, გაუმარჯოს ახალ ქვეყანას,

იყოს დღეგრძელი შთამომავალი!