მედეა კახიძე - მყვირალა

დილიდან დაღამებამდე

გაყვირის როგორც საყვირი,

- ფული მომეცი საჩქაროდ, 

უნდა ვიყიდო ნაყინი!

ხან მზესუმზირას გულისთვის 

მიწაზე გორავს ბელივით, 

ჰგონია, თუ არ იყვირა, 

ეზოში ისე ვერ ივლის.

აკლებული აქვს ყროყინით 

ზემო და ქვემო სართული,

არ ესმის მამის მუქარა,

არ ესმის დედის ქართული.

გუშინ გავიგე, სამხეცე 

თურმე დაეძებს სახედარს,

ჯერ იქნებ გამოვასწორო,

ორ-სამ დღეს კიდევ დავხედავ.