ჯემალ ქათამაძე - არ მოგენატრა?

მე მეშინია შენი სიშორის

და სიახლოვე უფრო მაშინებს.

გულზე დარდები ვერ მოვიშორე

და დაგადევნე ფიქრი მაშინვე.

მაგრამ არ ვიცი საით წახველი,

შენი გზა-კვალი ვერსად ვიპოვე.

შენ დამიტოვე მარტო სახელი

სხვა არაფერი არ დამიტოვე.

ხუთჯერ ამწვანდა ჩემი ზღვის პირი,

ეს ხუთი წელი ფიქრებში გაქრა.

ჩემი ბათუმი და ციხისძირი,

არ მოგენატრა?

მთვარიან ღამეს ტირიფთან დგომა,

ცაზედ ვარსკვლავთა ციმციმი, ბრწყინვა:

ის გატაცება, ღიმილი, კრთომა...

და ცეროდენა მაისის წვიმა,

თბილი მზის ნატვრა, არ მოგენატრა?