ჯანო გიორგაძე - გაბზარული რითმა

მე შენს გულს უნდა ველოდო დიდხანს

და ღამეები უნდა ვათიო,

რა ვუყო, ამდენ გაბზარულ რითმას,

ამდენი ცრემლი სად დავატიო.

როგორ გავუძლო, კარგო, მაგ იერს,

მომკლავს სიჩუმე, ღამის მეკობრე,

შენ არ გიყვარვარ და შენს მაგიერ,

მე ეს ლექსები დავიმეგობრე.

...და ასე უნდა ვიტანჯო დიდხანს

და შენზე ფიქრში ღამე ვათიო,

რა ვუყო ამდენ გაბზარულ რითმას,

ამდენი ცრემლი სად დავატიო.