ჯანო გიორგაძე - წეროებივით ჩამწკრივდებიან

ო, გაძარცულან სულ მთლად ხეები,

წვიმის წვეთები ტოტებს შებმიან,

მოგონებებში ზამთრის დღეები

წეროებივით ჩამწკრივდებიან.

ფიქრი ყვავილით დაიფარება,

არ მიიკარებს სული დარვიშებს

და საოცარი შენი ზმანება

სახეტიალოდ აღარ გამიშვებს.

ასეა მუდამ, როცა ავდარში,

შენი თვალების მზერას ვიგონებ,

ჟრუანტელივით დამივლის ტანში

დაუწერელი ლექსის სტრიქონი.