ტარიელ ჩარქსელიანი - ირემო, მთასა მყვირალო

"- ირემო, მთასა მყვირალო,

რამ ჩამოგაგდო ბარადა?

- მეუღლე ჩემი მამიკლეს,

დავეხეტები ცალადა!"

ხალხური

მიწურულია მაისი,

ფიქრს ვერ ვიცილებ ონავარს,

ბულბულის ტკბილი ხმა ისმის,

მე ისევ ლექსის მონა ვარ.

ისევ შიშინებს ბუხარი,

ბოლო ქარს მიაქვს შხარაზე!..

მიყვარს სიცოცხლე მქუხარი,

დარდო, კარები ჩარაზე!..

ვერვინ მიხილავს დაჩოქილს,

ვერც მთხოვნელს კარი-კარადა, -

"ირემო,მთასა მყვირალო,

რამ ჩამოგაგდო ბარადა?!“