ბადიშ ხურსილი - უცხო ქალბატონო წარბი გამიხსენით

უცხო ქალბატონო წარბი გამიხსენით

ქარებს გავაყოლოთ სევდა იარები

უცხო ქალბატონო სულში გამიდარეთ

ცოდვა ამაცილეთ თქვენთან ზიარებით.

დარდი ამეკიდა დარდზე უდარდესი

სარკმელს შემოამტვრევს მალე შემოდგომა

იქნებ, გამითენოთ დილა გაზაფხულის

ახლა აღარ მინდა ზამთრის მეგობრობა...

დრო, ეს უაღრესად დიდი მაწანწალა

ზოგჯერ ტკივილი და ზოგჯერ სალაღობო

ჩვენი სიყვარულის მზისდარ  სიდიადით

იქნებ, გავაჩეროთ ჩემო ქალბატონო...

როცა დაგიდგება ღამე ფიქრიანი

და ცას გამოაყრის ტანზე ვარსკვლავები

გულში ჩაიხედეთ ჩემო ქალბატონო

სადაც დაგიტოვეთ სულის გასაღები...

უცხო ქალბატონო წარბი გამიხსენით

ქარებს გავაყოლო სევდა იარები

უცხო ქალბატონო სულში გამიდარეთ

ცოდვა ამაცილეთ თქვენთან ზიარებით.