თამარ წამალაშვილი - დროის წიკწიკი ჩამესმის ყურში

დროის წიკწიკი ჩამესმის ყურში, 

წლები ქარს გაჰყვა, როგორც თოლია 

თითქოს ცხრამეტის ვიყავი გუშინ, 

დღეს კი იმ წლებთან ძალზე შორია...

ჭრელ პეპლებივით გაფანტულ ფიქრებს 

ჩემი ოცნებაც თან გაჰყოლია... 

ის სიყმაწვილე დაბრუნდეს, იქნებ... 

სულში რჩებაო, გამიგონია...

ცხოვრების ფურცლებს ვინახავ გულში, 

ჭაღარას თმაზეც მოუთოვია.

თითქოს ცხრამეტის ვიყავი გუშინ, 

დღეს კი იმ წლებთან ძალზე შორია!..