იეთიმ გურჯი - სინაგობია

ჩემი სევდის ჩანგური

ახლა დამიქოქია,

ახალ ბაღის მონა ვარ,

სადაც სინაგოგია.

აღარა მწამს ალაჰი,

აღარც ღმერთი „ბოგია“,

მე ახალი ხატი მწამს -

სადაც სინაგოგია.

შაბათისა გლახა ვარ,

ხელი გამიწოდია,

მოწყალებას ვთხოულობ -

სადაც სინაგოგია.

ცრემლი მელნად ვიხმარე -

მე არ დამიზოგია,

მკვდარიც იქ დამასვენეთ -

სადაც სინაგოგია.

სიყვარულის არმცოდნე,

მე დამცინის ზოგია,

იეთიმ-გურჯი დამმარხეთ -

სადაც სინაგოგია.