იეთიმ გურჯი - თქვენ გიმღერით, მეგობრებო!

ჩვენი ტურფა საქართველო

სიმღერებით მინდა ვკვებო,

ყველა ლხინში და მეჯლისში -

თქვენ დაგეძებთ, მეგობრებო!

მსურს სიმართლეს ვემსახურო

და ვამჟღავნო სანაქებო,

ვინც ლირსია, ვალამაზო,

უვარგისი შავად ვღებო.

ვის ქართული ეყურება,

სიმღერებს არ დავაკლებო, 

კმარა ამ სოფლად სტუმრობა,

მოისვენე ჩემო ძვლებო.

ჩემ ჩონგურსა თქვენ გიტოვებთ,

ეხლა დაუკარით სხვებო.

ვინც მე მიყვარს სამარემდის,

მას თავი არ დავანებო.

რა დღიდანაც შევიყვარე,

გულს მაკრია, როგორც წებო.

იმის მეტი არვინ მინდა,

არ იფიქროთ, სხვა ვეძებო,

თქვენ გიმღერით იეთიმ-გურჯი,

თქვენ გიმღერით, მეგობრებო!