იეთიმ გურჯი - გლოვის სიმღერა

გამიქრა მთვარე, მზე ბრწყინვალე,

გავხდი მწუხარე;

ღაბნელდა არე, ყოველი მხარე

გახდა სამარე.

ვინც შევიყვარე, მომიკლეს მალე, 

ჩამიქრეს მთვარე,

ღმერთო, მიფარე! ცრემლი მდის მწარე,

რას შევეყარე?!

ვერ გავიხარე, მოდი, მაკმარე,

მომკალი ბარემ!

გემუდარები, სად ხარ მდებარე,

მეც დამიბარე!

იეთიმს მახარე, შენ გვერდს მაკარე,

შენთან მწოლარე,

მეზობლად მთვალე, მიწა მაფარე,

და შემიყვარე.