ვახტანგ გოგოლაშვილი - უნდა გავბედო

უნდა გავბედო,

უნდა გავბედო,

უნდა დავტოვო ჩემი თბილისი.

საკუთარ ღონეს გადავამეტო,

უნდა გავწყვიტო ხლართი თილისმის.

უნდა დავცილდე იმედებს ყველას,

ამდენი წლების ნაშრომს, ნაწვალებს,

დავუბრუნდები მშობლიურ გელათს,

უნდა დავმშვიდდე,

უნდა დავწყნარდე.

უნდა დავტოვო ცოლი და ბავშვი

ვთქვა საბოლოო ლოცვა მზისადმი,

უნდა წავიდე ჩემს ოკრიბაში -

და გავემზადო დიდი გზისათვის.