ვახტანგ გოგოლაშვილი - თვლა

ბაბუს გულის ცალო,

მოდი, ერთად ვთვალოთ:

ზღვის და მთების გვერდით

სამშობლო გაქვს ერთი!

გაზაფხულის სწორი.

მშობელი გყავს ორი!

დაუფიქრდი წამით:

და-ძმა გინდა სამი!

ბაღში გიდგას ნაზი -

ოთხი ძირი ვაზი!

ქარში არხევს მხრებს

ხუთი დიდი ხე!

საყვარელი ლექსი

იცი მხოლოდ ექვსი!

ცელქიცა და მშვიდიც,

ძმაკაცი გყავს შვიდი!

ერთი გოგოც ვთქვათ,

ესეც შენი რვა.

გუშინ ბებომ მარგოს

ცხრა ატამი არგო.

ჰა, ცხრაც გითხარ, სცადე

დახსომება მათი.

გადათვალე თითები,

რამდენია? - ათი!