დათო კრაწაშვილი - აბა, გაზაფხულზე რა უნდა მარტოობას...

აბა, გაზაფხულზე რა უნდა მარტოობას,

გიპოვი სადმე და ქვეყანას დაგიმტკიცებ,

მე შენი თვალებით შევხედავ სამყაროს.

არ გჯერა?

თუ გინდა იებზე დაგიფიცებ.

"პატარა იების სიცოცხლეს გეფიცები,

მათ ახლად ახელილ თვალებს".

ო! ისე ლამაზად მეყვარები,

შენს თავს შენ თვითონვე შეგაყვარებ.

არა, გაზაფხულზე რა უნდა მარტოობას,

გიპოვი სადმე და ქვეყანას დაგიმტკიცებ.

მე შენი თვალებით შევხედავ ყვავილებს.

არ გჯერა? თუ გინდა იებზე დაგიფიცებ,

"პატარა იების სიცოცხლეს გეფიცები".