დათო კრაწაშვილი - გამიქრა ყრმობის ოცნებები...

გამიქრა ყრმობის ოცნებები,

ტკბილი ზღაპრები,

მოვარდა ქარი, წაიყოლა ჩემი აფრები.

სად არ ვიარე, სად არ მივაწყდი

ავდრად აშლილი, 

ძილმორეული, ცრემლმორეული

ბავშვი - ბავშვივით...

უცბად ვიხილე სანუკვარი

მძიმე კარები,

ხმაც გავიგონე, რეკდნენ მძიმედ

ცივი ზარები,

შეშინებულმა ვთქვი უსიტყვოდ

დე, იყოს ნება...

კარებზე დიდი ასოებით ეწერა -

"ხე - ლოვ - ნე - ბა!"