რაჟდენ გვეტაძე - ვირის ნალი

პაოლო იაშვილს

კვირა საღამოს, როცა მზის თვალი

კიდევ მოჩანდა გორების თავზე,

გარდაცვლილ ვირის ვიპოვე ნალი

და სულში სევდა ვერ მოვათავსე.

ეს ნალი იყო ბებერი ვირის,

დღეს მასზე ფიქრი მსურს შევაჩერო.

მის ხსოვნას ახლა ყორანი ტირის, -

ზაფხულში საწყალს უყვარდა ჩერო.

ის ამ ქუჩაზე ხშირად მინახავს

ჩემი ალერსით განაკვირები,

და ჯერ მე ბავშვი არ გამილახავს,

რადგანაც ბავშვებს უყვართ ვირები.